“Milliy armiya – xalqimiz ishonchi, Vatanimiz qudratidir”
14-yanvar O’zbekiston Respublikasining suvereniteti, xududiy yaxlitligi, aholining tinch hayoti va xavfsizligini himoya qiladigan kasb egalari – Vatan himoyachilari kuni va O’zbekiston Respublikasi qurolli Kuchlari tashkil topgan kun sifatida nishonlanadi. Vatan himoyachilari kunini nafaqat harbiy xizmatchilar, balki ayni vaqtda armiya saflarida o’z burchini o’tab qaytgan vatandoshlarimiz va ertaga xizmatga boradigan ming-minglab navqiron yigitlarning bayrami, deb qabul qilingan. Mazkur bayram arafasida yurtimizdagi barcha tashkilotlar, oliy ta’lim muassasalarida tadbirlar tashkil etib boriladi.
2020-yil 9-yanvar kuni Toshkent farmatsevtika institutining katta faollar zalida Sankt-Peterburg davlat kimyo farmatsevtika universiteti bilan ochilgan qo’shma fakultet tomonidan “Milliy armiya – xalqimiz ishonchi, Vatanimiz qudratidir” mavzusida ma’naviy ma’rifiy tadbir o’tkazildi. Tadbirni ijtimoiy fanlar kafedrasi mudiri K.Ismailov kirish so’zi bilan ochib berdi. O’zbekiston Respublikasi qurolli kuchlar akademiyasi podpolkovnigi Z.F.Orziyev mavzu yuzasidan talabalarga ma’lumotlar berdi.
Tadbir ijtimoiy fanlar kafedrasi, farmatsiya va kasbiy ta’lim yo’nalishlari bilan hamkorligida tashkil etildi.
Institut matbuot kotibi N.L.Usmanova
