Institut professor-o‘qituvchilari uchun talabalar qishki ta’tili davrida o‘quv-uslubiy seminar, tadbirlar tashkil etilmoqda
Institut professor-o‘qituvchilari uchun talabalar qishki ta’tili davrida o‘quv-uslubiy seminar, tadbirlar tashkil etilmoqda.
2019-yil 23-dekabr kuni institut katta faollar zalida rahbar xodimlar, barcha professor-o‘qituvchilar, bo‘lim boshliqlari ishtirokida seminarning ilk kuni o‘tkazildi. Seminarning ro‘yxatga olish qismi soat 09:30 dan 10:00 ga qadar davom etdi.
Tadbirni institut rektori I.I.Alimdjanov kirish so‘zi bilan ochib berdi va tashkil etilgan seminarning maqsadi va mazmuni bilan tanishtirdi.
«Intellektual mulk ob’ektlari va ularni himoyalash jarayoni» mavzusida Innovatsion rivojlanish vazirligi, davlat siyosati, fan va texnologiyalar, rivojlanishni tahlil qilish va prognozlashtirish bo‘lim boshlig‘i S.A.Karimovaning ma’ruzasi tinglandi.
Toshkent axborot texnologiyalari universitetining modul-kredit bo‘limi boshlig‘i F. Alisherov «Modul-kredit tizimini joriy etish» mavzusidagi ma’ruzasi bilan ishtirok etdi.
«Yoshlarni milliy qadriyatlar an’analarimiz ruhida tarbiyalashda institut Xotin-qizlar qo‘mitasining o‘rni» mavzusida Xotin-qo‘mitasi raisi B.X.Boltaeva, Fizika, matematika va axborot texnologiyalari kafedrasi v/b professori tf.f.n. S.Ya.Inog‘omov «Dori vositalarni tahlil qilish usullarini takomillashtirish» mavzusidagi ma’ruzasi bilan qatnashdi.
Institut matbuot kotibi N.L.Usmanova
