Huquqbuzarlik va jinoyatchilikning oldini olish choralari.
Mamlakatimizda jinoyatchilik va uni keltirib chiqaruvchi sharoitlarni bartaraf etishga qaratilgan kompleks chora-tadbirlar amalga oshirib kelinmoqda. Bu yo‘nalishda yoshlarning huquqbuzarlik yo‘liga o‘tishlarining oldini olishga katta e’tibor qaratilayapti.
Jamiyatdagi barcha nojo‘ya holatlar, jumladan, oiladagi notinchlik, ta’lim muassasalari ishidagi va boshqa sohalardagi kamchiliklar yoshlarning normal rivojlanishiga salbiy ta’sir ko‘rsatadi. Huquqbuzarlik sodir etgan yoshlarning 62,2 foizi bo‘sh vaqtlarini ko‘chada o‘tkazishadi.
Bunday salbiy holatlarning oldini olish uchun, avvalambor, axborot-tahlil ishlarini yo‘lga qo‘yish lozim.
Shuningdek, yoshlar huquqbuzarliklarini baholashda ularning yuzaga kelishiga ta’sir etuvchi omillarni inobatga olish, u yoki bu hududda ma’lum bir turdagi, ayniqsa, og‘ir oqibatlarni keltirib chiqaruvchi jinoyatlarning sabablarini tahlil etish muhim ahamiyatga ega. Bu borada yurtimizdagi OTMlarda ko’plab yig’lishlar, Tushuntirish ishlari olib borilmoqda. 2019 yil 7 fevral kuni soat 12-00 da Toshkent farmatsevtika insitutining katta faollar zalida “Yoshlar orasida huquqbuzarliklarning oldini olish va jinoyatchilikni bartaraf etish choralari”, “Odam savdosining oldini olishda yoshlar faolligi” mavzularida ma’naviy ma’rifiy tadbir tashkil etildi. Yig’lish institut yoshlar bilan ishlash-ma’naviyat va ma’rifat bo‘limi, institut tarbiyachi pedagogi N.Yunusova, institut psixologi S.Azlarova tashabbusi bilan tashkillashtirildi.
Tadbirni farmatsiya fakulteti dekani O.I.Xudoyberdiyev kirish so’zi bilan ochib berdi.
Toshkent Davlat yuridik universiteti “Jinoyat huquqi va kriminalogiya” kafedrasi o‘qituvchisi To‘rabaeva Ziyoda “Huquqbuzarlik va jinoyatchilikni kelib chiqish sabablari”, Toshkent shahar Mirobod tumani IIO FMB terrorizm va ekstremizmga qarshi kurash bo‘limi tezkor vakili Tursunov Sirojiddin “Odam savdosining oldini olishda yoshlar faolligi”, Toshkent shahar Mirobod tumani IIO FMB IIB XPB inspektori Naberaeva Venera Munirovna “Huquqbuzarlik va jinoyatchilikning oldini olish choralari” kabi mavzularda ma’ruza o’qidilar. Tadbir so’ngida mavzuga oid video film namoyish etildi hamda talabalar o’zlarini qiziqtirgan savollar bilan murojaat qildilar va mutaxassislar tomonidan javoblar oldilar.
Tadbirda jami 200 nafar talabalarning ishtiroki ta’minlandi.
Institut matbuot kotibi N.L.Usmanova
