Toshkent farmatsevtika institutida akademik litsey o’quvchilari uchun “Yosh kitobxonlar” tadbiri o’tkazildi.
O‘zbekiston Respublikasi Vazirlar Mahkamasining 2018 yil 17 sentabrdagi «Ta’lim tizimida ma’naviy-ma’rifiy ishlar samaradorligini oshirish chora-tadbirlari to‘g‘risida”gi 736-son qarori hamda Oliy va o‘rta maxsus ta’lim vazirligining joriy yil 21 sentabrdagi 799-son buyrug‘i bilan tasdiqlangan Oliy va o‘rta maxsus ta’lim vazirligi huzuridagi “Ma’naviyat va ma’rifat markazi” faoliyatini takomillashtirish hamda talaba va o‘quvchilarning darsdan bo‘sh vaqtlarini mazmunli tashkil etish chora-tadbirlari dasturi “Nazorat rejasi”ning 13-bandi ijrosini ta’minlash maqsadida 2018 yil 23 noyabr kuni Toshkent farmatsevtika instituti tasarrufidagi akademik litsey talabalari uchun tadbir tashkillashtirildi.
Tadbirda Umumiy va noorganik kimyo kafedrasi katta o‘qituvchisi R.Sh. Zaripova hamda ARM mudiri F.N. Xolmuratova, kutubxonachi D.D. Abdullaeva va Toshkent farmasevtika instituti tasarrufidagi akademik litsey 1-kurs 1/7 gurux talabalarining 26 nafari qatnashdi. Tadbir o‘quvchilarda kitobxonlik hamda mutolaa madaniyatini shakllantirish orqali ularning ma’naviy dunyosini yuksaltirishga qaratilgan ishlarni tashkil etib borish maqsadida uyushtirildi. ARM mudiri F.N.Xolmuratova litsey o‘quvchilarini institut Axborot-resursi markazi bilan tanishtirdi, ularni ARMga kelib kitob fondlaridan foydalanishni taklif qildi. Umumiy va noorganik kimyo kafedrasi katta o‘qituvchisi R.Sh.Zaripova o‘quvchilarga mutolaaning inson tafakkuriga va dunyoqarashiga foydali jihatlari haqida gapirdi. Prezidentimizning kitob mutolaasiga qaratayotgan e’tiborlari va qabul qilinayotgan qarorlar hususida ma’ruza qildi.
Tadbir so‘ngida ARM kutubxonachisi D.D.Abdullaeva ARMda mavjud badiiy adabiyot fondidagi mumtoz o‘zbek adabiyoti namoyondalarining mashhur asarlari, Rumiy, Farobiy, Umar Xayyom kabi mutafakkirlarimiz o‘gitlari, aforizmlari jam bo‘lgan qimmatli kitoblaridan iqtiboslar keltirdi. Sharq va g‘arb yozuvchilarining qo‘lma-qo‘l o‘qilayotgan asarlari haqida ma’lumot berib, darsdan bo‘sh vaqtlarda kelib ARMga a’zo bo‘lgan holatda kitoblarni olib o‘qishni taklif qildi. Tadbir litsey o‘quvchilarida yaxshi taasurot qoldirdi.
ARM mudiri F.N. Xolmuratova
