“Sen aziz va muqaddasan ayol”
8-mart Xotin-qizlar bayrami, go‘zal va betakror yurtimizga bahor nafasi kirib kelganidan darak beradi. Ayol azaldan mehr-shafqat va sadoqat timsoli bo‘lib kelgan. Ayol deganda ko‘z o‘ngimizda avvalo, ulug‘ va tabarruk ona siymosi gavdalanadi. Inson zoti borki, olamdagi barcha yaxshilik va ezguliklarni, hayot siru-asrorlari va saboqlarini onaning mehru-sahovati tufayli o‘rganadi.
Ayol borki, olam munavvar, ayol borki, hayot go‘zal va maftunkor. Inson, oila, ayol tushunchalarini bir-biridan ajralgan holda tasavvur etib bo‘lmaydi.
Oilani ham, jamiyatimizni ham birlashtirib, unga fayzu barokot kiritadigan xonadonlarimizni mehr-muhabbat, nafosat, ezgulik nuri bilan munavvar qiladigan zotlar ham aslida mo‘tabar onalarimiz, munis opa-singillarimizdir.
Shu munosabat bilan yaqinlashib kelayotgan 8-mart Xalqaro xotin-qizlar kuni munosabati bilan barcha munis opa-singillarimizni chin qalbimizdan muborakbod etamiz. Barchangizni oilangizga fayzu baraka, tinchlik-xotirjamlik va mustahkam sog’liq tilaymiz.
Ayyomingiz muborak aziz ayollar!
Toshkent farmatsevtika
instituti rahbariyati
