Institut professor-o‘qituvchilari uchun talabalar qishki ta’tili davrida o‘quv-uslubiy seminarning 4-kuni bo’lib o’tdi
Institut professor-o‘qituvchilari uchun talabalar qishki ta’tili davrida o‘quv-uslubiy seminar, tadbirlar tashkil etilmoqda.
2019-yil 26-dekabr kuni institut katta faollar zalida rahbar xodimlar, barcha professor-o‘qituvchilar, bo‘lim boshliqlari ishtirokida seminarning 4-kuni o‘tkazildi. Seminarning ro‘yxatga olish qismi soat 09:30 dan 10:00 ga qadar davom etdi.
Navbatdagi seminarda Dori vositalarini standartlashtirish va sifat menejmenti kafedrasi assistenti B.S.Bekjanov «Rivojlanayotgan davlatlarda biotexnologik preparatlar va ularning tahlil usullari» mavzusida Xitoy Xalq Respublikasida malaka oshirish natijalari haqida, «Seul Milliy Universitetida ta’lim va ilm tizimi» mavzusida Farmatsevtik kimyo kafedrasi katta o‘qituvchisi N.T.Zaripova, Dori turlari texnologiyasi kafedra mudiri, f.f.d, professor Y.S.Karieva «Aralash ta’lim «Blended learning» ta’lim texnologiyasining mohiyati», Dori vositalarini standartlashtirish va sifat menejmenti kafedrasi o‘qituvchisi, f.f.n, dos. I.I. Iminova «Ishlab chiqarish korxonalarida o‘quv-laboratoriya mashg‘ulotlarini tashkil etish va uning samaradorligi» mavzularida ma’ruza qildilar.
Institut matbuot kotibi N.L.Usmanova
