“Murabbiylar” kengashi tashabbusi bilan ota-onalar bilan uchrashuv tashkil qilindi
O‘zbekiston Respublikasi Prezidentining 2017- yil 28-iyuldagi “Ma’naviy–ma’rifiy ishlar samaradorligini oshirish va sohani rivojlantirishni yangi bosqichga ko‘tarish to‘g‘risida”gi PQ-3160-sonli qarori va 2018-yil 5-iyuldagi “Oliy ta’lim muassasalalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo’shimcha chora–tadbirlar to‘g‘risida”gi PQ-3775-son qarorlarida belgilangan vazifalar ijrosini ta’minlash maqsadida 2019-yil 30-noyabr kuni institut kichik faollar zalida “Murabbiylar” kengashi tashabbusi bilan “Farzand tarbiyasida ota–onaning roli”, “Yoshlarni turli yot g‘oyalar ta’siridan saqlash choralari” mavzularida ota–onalar o‘rtasida uchrashuv tashkil qilindi. Uchrashuvda “Murabbiylar” kengashi raisi N.S.Salimsakova, yoshlar bilan ishlash, ma’naviyat va ma’rifat bo‘limi boshlig‘i N.X.Ashurova, tarbiyachi – pedagog N.E.Yusupova, farmatsiya fakulteti dekan muovini A.A.Tagbaev hamda ota–onalarning ishtiroki ta’minlandi. Suhbat jarayonida ota–onalarga institutda talabalarga yaratilgan sharoitlar bilan yaqindan tanishtirib, o‘quv jarayoni, talabalarning davomati, o‘zlashtirishi va turar joylari xususida ma’lumotlar berib o‘tildi. Ota-onalar ham o‘z farzandlarining davomati, o‘zlashtirishi va institutda yaratilgan imkoniyatlar bilan yaqindan tanishib chiqdilar.
