Erta o‘lim xavfining oldini olish usuli aniqlashtirildi
Shandun politexnika universitetida (Xitoy) ishlovchi Bo Si boshchiligidagi olimlar guruhining xulosasiga ko‘ra, haftada bir yoki ikki marta tez yurgan holda sayr qilish yurak xuruji, insult yoki saraton kasalligidan o‘lim xavfini kamaytiradi. Bu haqda MedicalXpress xabar bermoqda.
Tadqiqotchilar 1997 yildan 2008 yilgacha bo‘lgan davrda to‘plangan, 88 140 kishining jismoniy faolligi darajasi haqidagi ma’lumotlarni tahlil qilishdi hamda ularni 2011 yilda vafot etgan ko‘ngillilar soni bilan taqqoslashdi. Shu bilan birga, yuklama turi, shuningdek, ularning davomiyligi hisobga olindi. Natijalar shuni ko‘rsatdiki, har hafta 10 daqiqadan bir soatgacha sayr qilgan yoki bog‘da ishlagan kishilarda erta o‘lim xavfi 18 foizga pasayadi.
Bundan tashqari, hafta davomida 2,5-5 soat davom etadigan o‘rtacha 10 daqiqalik jismoniy mashqlardan iborat seriya o‘lim xavfini 31 foizga qisqartirgan, haftada 25 soatlik faollik esa bu xavfni ikki barobarga kamaytirgan. Shu bilan birga, olimlarning so‘ziga ko‘ra, velosipedda yurish, yugurish yoki sport bilan shug‘ullanish samaraga erishish uchun zarur bo‘lgan vaqtni qisqartira oladi.
Bundan oldin, ommabop mahsulotlarning jiddiy xavfi isbotlangandi.
Institut matbuot kotibi N.L.Usmanova
