Guruh murabbiylarining ish faoliyati samaradorligini yanada oshirish.
2018 yil 1 dekabr kuni Toshkent farmasevtika institutining murabbiylar kengashi raisi N.S.Salimsakova tomonidan guruh murabbiylarining ish samaradorligini oshirish maqsadida yig‘ilish tashkil etildi. Mazkur yig‘ilishda sanoat farmatsiyasi fakulteti dekani X.Sh.Ilxomov, murabbiylar kengashi raisi N.S.Salimsakova, psixolog S.Azlarova, tarbiyachi pedagog N.Yusupova xamda barcha guruh murabbiylari ishtirok etdilar.
Yig‘ilishda sanoat farmatsiyasi fakulteti dekani X.Sh.Ilxomov ta’lim sifatini oshirish, talabalarning ta’limga qiziqishlarini yanada kuchaytirish hamda institutning ota-onalar bilan hamkorligini yo‘lga qo‘yishda murabbiylarning faol bo‘lishlari kerakligi hususida ta’kidlab o‘tdi.
Murabbiylar kengashi raisi N.S.Salimsakova axborot va murabbiylik soatlarini muntazam o‘tib borishning axamiyati, ularning mazmunli tashkil etish, undan unumli foydalanish, axborot va murabbiylik soatlarining qiziqarli tashkil qilishda talabalarning tashabbusini qo‘llab quvvatlash kerakligi hususida fikrlar bildirdi. Shkningdek, talabalarning xalqaro ta’lim munosabatlariga kirishishda, institut va jamiyatning ijtimoiy hayotida talabalarning faolligini oshirishda guruh murabbiylarining ta’siri katta ahamiyat kasb etadi. Shuningdek ota-onalarning institut bilan xamkorligini oshirishda murabbiylar kengashining ishtiroki, ta’lim jarayoniga talabalarning ahloqiy sifatlari qay tarzda ta’sir etishi hususida institut tarbiyachi pedagogi, psixologi hamda guruh murabbiylari o‘rtasida fikrlar almashildi.
Institut matbuot kotibi N.L.Usmanova
Institut psixologi S.A.Azlarova
